XTC y Cocaina-Hoben 13-25 aña

Un presentacion entre 30 cu 45 minuut tocante e droganan XTC y Cocaina riba nivel pa hoben nan entre 13 cu 25 aña. Esaki ta wordo presenta door di haci uzo di powerpoint cu videonan y informacion basa riba e droganan menciona. E ta importante pa e hobennan tin informacion corecto di e tema XTC y Cocaina mirando cu e droganan aki ta bin dilanti hopi riba nos pais y rond mundo. Un hoben ta den su etapa di desaroyo y por encontra su mes den diferente situacionnan y facilmente por wordo introduci na droga door di amistadnan di scol of pafor di scol. Ta importante pa e hobennan por siña conoce e droganan aki y tur consecuencia fisico, psicologico y social cu esaki ta trece cune. E hobennan ta siña kico precisamente e droganan aki ta, bou di ki categoria e droganan aki ta cay, kico ta efectonan den corto y largo plaso y mas. Durante e presentacion e hobennan ta haya oportunidad pa haci pregunta y comparti nan experiencia.

Pa mas informacion por tuma contacto cu Fundacion Anti Droga Aruba