Organisacion

F.A.D.A tin un team dinamico cu ta traha ariba e tereno di prevencion y conscientisacion. Nos ta duna informacion na grupo of individualnan cu nunca a uza alcohol of droga. Pero tambe na personanan cu a yega di haci uzo di alcohol of droga pero tin esaki ainda bou di control. F.A.D.A. ta traha a base di peticion y ta brinda servicio ariba tur nivel di enseñansa; basico, educacion avansa y educacion profesional. Tambe nos ta brinda servicio na otro instancianan, grupo, clubnan, hotel, seminario y exposicion social.

Ta duna presentacion ariba peticion di e grupo. E trabou por wordo haci den nos edificio mes y tambe nos personal por bishita bo establecimento. Nos ta reparti tur informacion, foyeto of locual bo tin mester tocante alcohol, droga y adiccion. Nos por yuda personanan den grupo of individual, tambe nos ta referi na otro instancianan si ta necesario. Nos tin diferente campaña durante aña pa conscientisa comunidad y tambe nos ta forma parti di diferente grupo cu tin como meta pa mehora comunidad. F.A.D.A ta purba yega na mas persona cu ta posibel via medianan social. Studiantenan semper ta bon bini na F.A.D.A. pa ricibi ayudo cu proyectonan escolar y un lugar pa stage.