Documentario
Documentario Fundacion Anti Droga Aruba
Documentario ta un campaña cu a wordo lansa na aña 2019 pa pueblo di Aruba pa prome biaha. E motibo y meta tras di e documentarionan aki ta pa conscientisa henter nos comunidad specialmente nos hobennan ariba e peligro di adiccion. Na Aruba tin un problema grandi cu uzo y abuso di droga y alcohol, pues droganan legal y ilegal.
Un di e motibonan mas grandi tras di e documentarionan aki ta pa pueblo di Aruba por wak/scucha storianan real di personanan cu a bay di acuerdo pa conta nan realidad.
E idea pa un documentario a cuminsa na aña 2018 na momento cu nos di F.A.D.A. ta duna charla y nos ta haña e comentario di alumno y personanan den comunidad manera “Con boso sa si boso no a bibe” of cu nan ta desea di scucha for di personanan local dicon a cuminsa uza un substancia y kico tur nan a pasa aden. Tambe por a nota cu den e tempo moderno aki hopi hoben, facil por busca y haña informacion online sinembargo nan no sa si e informacion ta corecto y sigur. Aki ta unda e team di F.A.D.A a cuminsa pensa den ki forma por trese documentarionan dilanti y a acerca instancianan cu ta duna e yudansa na personanan cu tin un adiccion pa asina por realisa e proyecto aki.
Na aña 2019 e team preventivo di F.A.D.A. a adapta y amplia e idea di un documentario basa riba bida real, di personanan cu a rehabilita, personanan cu ta den e proceso di rehabilitacion y tambe personanan cu ainda ta adicto ambulante unda cu e pueblo di Aruba especial nos hobennan y mayornan por mira cual ta e origen y factornan cu por conduci un persona na uza substancia nan legal of ilegal. Durante e documentarionan aki nos a involucra profesionalnan den diferente ramo p.e. trahado social, psycholoog, psychiater, slachtofferhulp y tambe diferente instancia cu ta brinda ayudo profesional di adiccion.
Na 2019 a lansa e prome 6 episodionan ariba mayoria media social riba nos isla. E documentarionan tawata un exito.
E idea tras di e documentarionan aki ta pa sigui eherce esaki tur aña, variando e topiconan di adiccion pa asina mas y mas pueblo di Aruba por tin un bista ariba e tristo realidad di adiccion.
Temporada 1, Documentario Basa Ariba Bida Real
https://youtu.be/-ZS_S5WSXlwhttps://youtu.be/xvGo5dY624Yhttps://youtu.be/uDpwU0DIcXAhttps://youtu.be/4yRfvTh-b2khttps://youtu.be/42qQDZdghEAhttps://youtu.be/On0iiBCib30
Temporada 2, Documentario Basa Ariba Bida Real
https://youtu.be/rXkryPsn49ghttps://youtu.be/8Y_6if0jssIhttps://youtu.be/PwwBHV0bbdchttps://youtu.be/kKVHQjbRHTghttps://youtu.be/gtYN_ilFO30https://youtu.be/WBjx_c50Zy4