XTC-MDMA

Kico ta XTC/MDMA?

XTC ta un droga cu ta wordo traha den un laboratorio ilegal. E producto adictivo den XTC ta yama MDMA. Xtc ta un droga stimulante. E energia por dura entre 4 pa 6 ora largo. XTC ta bin den forma di pilder di diferente tamaño, color, diferente dibuhonan, logo y figura riba dje. Ora un persona uza XTC/MDMA e ta pasa via bo stoma bay na bo tripanan y despues pa bo sanger cu ta bay na diferente organonan di bo curpa y tambe bo celebro. XTC ta un pilder cu bo nunca por ta sigur kico exactamente tin aden. Bo por halucina y e por tin efecto halto di cambio di percepcion.

Manera di uzo

E forma di uzo mas conoci ta den forma di e pilder cu nan ta guli sea cu awa of un bebida. Otro forma cu xtc por bin dilanti ta sea un puiro of cristal. E puiro por wordo tira tambe den un bebida of poni riba lenga. No tin verschil di efecto entre e 3 forma cu xtc por wordo uza.

 

Kico bo ta sinti?

E efecto cu e droga por tin ta depende di algun factor; e droga riba su mes, kico tin den dje y den ki forma esaki ta wordo uza. Mas factor cu por hunga un rol ta e ambiente cu e persona ta y con e ta sinti su mes ora e ta bay uzo e droga xtc/mdma. Cada persona ta diferente cu ta haci cu e efecto por varia. XTC ta dura entre 20 pa 60 minuut prome cu cuminsa sinti su efectonan.

Efecto Fisico:

  • Boca seco y sintimento di sed.
  • Temperatura di curpa y presion ta subi.
  • Curason ta bati mas duro cu normal.
  • Pupil ta bira mas hancho cu normal
  • Tension di musculo
  • No tin apetit
  • Nausea
  • Dificultad pa pishi
  • Por soda, saka, haya dolor di cabes of sinti marea

 

  • Psicologico:
    Energia, activo y mas alerta
  • Percepcion di color y zonido ta wordo alerta
  • Alegre, hopi animo
  • Hopi mas open cu normal (papia mas)
  • Namora, tin e sensacion di tin contacto cu otro persona
  • Contacto intimo cu otro persona (Hug drug)
  • Miedo y por halucina

Riesgonan

Riesgonan:
Corto plaso:

Overhitting:
Xtc ta subi e temperature di bo curpa. E combinacion di xtc, calor y oranan di baile por haci cu bo ta sinti e “overhitting”. E peliger di esaki ta cu ta dificil pa trata. Bo por bira hopi malo cu por ehempel sangramento paden di bo curpa, griep pisa y problema cu riñon. Pa esaki no pasa mester bebe 1 glas di awa cada ora.

Intoxicacion di awa: 
Uzo di xtc ta zorg pa bo riñon pasa menos awa pa bo urina (lo ta dificil of no por urina mes). Ta peligroso pa un persona bebe mas cu 1 glas di awa of otro likido paso esaki ta haci cu e celebro por hincha door cu e natrium ta hopi abou ( no tin apetit y curpa ta retene vocht). Consecuencia por ta ataka, bay den un come of te hasta morto. Ora un persoa ta sinti malo tin e custumber di bebe awa cu no ta algo malo pero den e caso di combina awa cu xtc esaki por ta fatal.

Daño na higra:
No ta algo cu ta pasa hopi pero tin casonan cu uzo di xtc por causa daño na bo higra y por ta daño hopi pisa. Esaki por bin door di “overhitting”. Sintoma di esaki ta geelzucht (Jaundice?) y dolor di bariga. E sintomanan aki por bin dilanti algun dia of simannan despues di uzo di xtc.

Daño na Djente:
Uzo di xtc ta haci daño na djente paso e uzado ta bay kraak riba su djentenan. E persona su kaak por bira stijf. Tambe bo ta produci menos scupi.

Bad trip:
Uzo di xtc por haci cu e sintimento di miedo ta presenta. Esaki ta wordo yama “bad trip”. E ta un sintimento di panico of miedo cu por presenta un tempo despues cu a uza xtc y e por keda presenta. Esaki por pasa dependiendo kico tur a wordo uza pa traha e pilder di xtc.

Efecto psicologico:
Tin uzado cu por bira depresivo door di uza xtc. Mas xtc wordo uza mas halto e chens ta cu e depression por bira un di largo plaso. Esaki ta pasa door di e kimiconan cu tin den e xtc. Tin chens tambe di sinti miedo, no por concentra bon, cansancio y ta sinti marea.

Largo plaso:

Daño celebral:
Uzo di Xtc por afecta memoria y concentracion. E parti cu ta wordo mas afecta ta e memoria. Tin diferencia di con hopi e celebro ta wordo afecta dependiendo di e cantidad y con hopi un persona ta uza xtc. Si un persona a yega di uza 1 biaha so of e ta uzo algun biaha e tin efecto nap or ehempel; menos sanger ta pasa na cierto parti di e celebro ifora di haci test na scol ta corda menos palabra.

Relacion sexual:
XTC ta un droga cu e persona ta haya mas e afeccion pa mishi of brasa un otro persona (hug drug) compara cu e sintimento pa tene relacion sexual. Un riesgo ora di tene relacion bou influencia di XTC ta cu e chens ta grandi cu no lo uza proteccion.