Video Gaming – Hoben 13-25 aña

Video Gaming ta un charla cu tin un duracion di 45 minuut y e ta special pa hobennan entre 13 y 25 aña. E charla ta ser duna na nivel di e grupo cu e charla ta wordo solicita pe, teniendo na cuenta cu e edad di e hobennan. E charla di Video Gaming ta wordo presenta door di haci uzo di powerpoint unda e hobennan lo ricibi informacion y lo mira diferente video pa asina por compronde e parti positivo y negativo cu Video Gaming ta trece cune.
Door di e charla di Video Gaming e hobennan ta haya informacion tocante cua wega ta of no ta apto pa nan edad y e motibo su tras. Tambe ta splicanan un poco tocante e desaroyo di e celebro y e diferencia entre e realidad y fantasia y con esaki por afecta nan desaroyo personal. Ta sera e charla cu conseho y tips pa asina haci uzo di Video Gaming na e manera corecto y sano pa preveni e adiccion na Video Gaming.

Pa mas informacion por tuma contacto cu Fundacion Anti Droga Aruba