Sigaria

Kico ta tabaco

Tabaco ta wordo produci di mata di Nicotina. E blachi por contente te cu 3% di nicotina. E mata aki ta wordo procesa. E blachinan ta wordo seca den solo of den biento. Secando e blachinan den solo ta hisa e concentracion di sucu y e ta baha e smaak. Ora di seca esaki den biento e ta haci e smaak mas skerpi y e ta hisa e concentracion di nicotina. Despues cu ta pasa den e proceso di seca e blachinan, esakinan ta wordo poni unda cu e tabaco ta fermenta y ta cambia di smaak y holo. 
Nicotina ta pasa via bo boca y luchtpijip bay na bo pulmon. Via bo pulmon e ta pasa pa bo sanger. Via bo sanger e nicotina ta yega na tur bo organonan y despues di 7 seconde e ta bay na bo celebro. Bo curason ta bati mas lihe, presion ta subi, bo ta hala rosea mas lihe y e temperatura den bo man y pia ta baha bira friu. 
Sigaria ta contene entre otro: Insecticida, toilet cleaner, rocket fuel, binager, verf, veneno, lighter fluid, awa di bateria, wax di bela, barbecue lighter, solvente industrial, nicotina, mono oxigeno y ter. Fuera di esaki sigaria tin mas cu 40 producto cu por duna hende cancer. 

Riesgonan

CORTO PLASO:
Rosea:
Humamento ta causa mal baf. Tur cos lo hole sigaria; bo cabey y bo paña 

Condicion:
Humanento ta malo pa bo condicion. E motibo di esey ta paso organonan importante den bo curpa no ta haya suficiente oxygeno. 

Adiccion:

Nicotina ta un di e kimiconan mas adictivo cu nos conoce. Bo curpa ta bay custuma cu e efecto cu bo ta sinti ora di huma y bo lo kier pa keda sigi sinti e efecto. Si un humado keda sin huma, elo bay sinti su mes intrankil. 

Second hand smoking:
Esaki ta ora bo no ta huma pero bo ta inhala e huma di un persona cu si ta humando. E ta dañino pa e salud. 85% di e huma di un sigaria ta keda den e ambiente. Personanan cu no ta huma tambe tin e riesgo pa haya un malesa door di e huma. 

Nicotinevergiftiging:
Un persona por venena for di prome uzo di sigaria, e por sinti draaimento di stoma y cabes. E por yega asina leu cu un persona por bay den coma. 

LARGO PLASO:
Daño na djente y cuero:
Tabaco ta haci cu bo cuero ta bira bieu mas lihe. Bo djentenan ta cambia y bira geel of preto. 

Daño na stembanden:
Bo por haya slijm y door di tosamento of raspa garganta so e ta kita. Esaki ta pone cu bo por haya iritacion. 

Memoria:
Humamento por afecta memoria di e persona. 
Problema cu pulmon:
Humamento por causo cancer na pulmon, bronkitis y asma. Tambe bo por haya cancer na diferente parti di bo cupra; boca, garganta, tripa, riñon, matriz y blaas. 

Problema cu curason:
Nicotina ta hisa bo presion y esey por ta peligroso pa bo curason. Bo sanger ta bira mas diki y esaki por ocasiona un ataca di curason. Humamento tin influencia tambe riba bo colesterol. 

Sexualidad y embaraso:
Humamento ta baha e nivel di sterilidad cerca hende homber y hende muher. Ta hisa e riesgo durante di embaraso si ta huma. E baby por nace cu complicacionnan of por hasta perde e baby. 

 

Efectonan na curpa di un persona cu ta huma sigaria

  • Persona ta hole tabacco semper (dede, cabei, panja etc)
  • Problema cu vision
  • Tosamento y risico pa cancer na pulmon
  • Risico pa diabetis tipo 2
  • Hende homber por tin un desfuncion den ereccion
  • Un sistema inmunologico abao
  • Problema cu carni djente/ djentean por bira geel
  • Problema cu curason
  • Menos appetite
  • Infertilidad/complicacion cu embarazo

 

Kico ta e kimiconan cu tin den un sigaria

E tabaco di un sigaria ta hopi venenoso. Den un sigaria tin mas di 4000 kimico di cua 40 ta canceroso. Mayoria di e kimiconan den un sigaria ta venenoso. E kimiconan mas conoci den un sigaria ta Koolmonoxide, Teer y Nicotina.

KOOLMONOXIDE:
Koolmonoxide ta wordo produci ora cu un tabaco no wordo kima suficiente. Ora di uza cannabis tambe ta produci 4% di koolmonoxide. Koolmonoxide ta ta afecta hopi liher e rosea di un persona. E ta yega facil na e bloedlichampjes cora di un persona cual ta hasie dificil pa un persona hala rosea completamente normal. E bloedlichampjes cora no ta bai manda suficiente rosea.

TEER:
Teer ta consisti di miles di kimico. Mayoria bes teer ta bai na e slijmvlies di un persona. P.e. den nos boca. Nos trilhaartjes nan den nos boca tin e tarea pa mantene sushi pafo di nos boca. Loke e teer ta hasi ta hasi e trilhaartjes nan menos fuerte unda cu e sushi ta pasa di nos boka y bai directamente na nos pulmon. E kimico aki por forma cancer. Un persona cu ta huma hopi y ta tosa ta a causa di e teer.

NICOTINA:
Nicotina ta traha mas ariba nos zenuwstelsel y ta zorg pa e parti adictivo. Nicotina por hisa presion tambe.

Humamento di sigaria durante embarazo

  • E kimiconan canceroso den un sigaria por pasa via e placenta pa e fetus
  • Door di huma e fetus ta haya mas koolmonoxide y menos zuurstof. Esaki ta pone cu un baby ta crece menos liher cu por pone cu e baby por nace cu 200 gram di menos
  • Mama cu ta huma durante embarazo por pone cu e baby ta nace cu menos di 2500 gram
  • E posibilidad pa un fetus fayece durante embarazo te cu 28 siman ta mas halto. Y tambe un baby cu nace ta core hopi risico pa muri durante e prome siman di bida a causa di e humamento di e mama
  • Risico pa “wiegendood” ta 5.97 biaha mas grandi si e mama ta huma durante e embarazo y 5 biaha mas grandi si e mama ta huma despues di embarazo
  • Muchanan cu nan mama a huma durante embarazo ta core risico pa encontra problema cu e desaroyo di celebro. Esaki por trece cune problema cu sinjamento den futuro. Un baby cu peso di menos ora cu e nace ta core mas risico pa un leerachterstand
  • Baby di un mama cu ta huma ta core risico pa nace prome cu tempo.
  • Mama cu ta huma ta core risico pa miskraam. Por haya complicacion cu placenta y tambe sangramento.