Remedi Prescribi – klas 2
Meta
E meta di Remedi Prescribi ta pa nos muchanan ta bon informa di tur locual ta encera remedi prescribi pa un dokter y remedi cu por wordo cumpra na botica y tambe e forma corecto pa uza remedi y tur locual mester tene cuenta cune.
Splicacion
Remedi Prescribi ta un charla cu tin un duracion di 30 minut y e ta special pa muchanan den klas 2 di scol basico. E charla di Remedi Prescribi ta wordo presenta den forma di un powerpoint unda e muchanan lo ricibi informacion di diferente maneranan cu por haya remedi, entre otro door di un receta di dokter of cumpra na botica. Tambe e manera corecto di uzo y e parti bon y menos bon cu remedi por trece cune.
Ta sumamente importante pa na un edad jong, cuminsa papia cu e muchanan tocante remedi prescribi pa asina nan uza remedi na un manera sano y corecto y asina preveni un cu e otro daño cu por wordo haci. Pa es motibo Fundacion Anti Droga Aruba ta brinda e charla di Remedi Prescribi.
Pa mas informacion por tuma contacto cu Fundacion Anti Droga Aruba