Remedi pa alivia dolor

Kico ta un remedi pa alivia dolor?

Un remedi pa alivia dolor ta un droga (pildo) of medicina. Dolor por wordo parti den diferente manera y pesei pa cada dolor of sintoma tin un pildo of medicina pa alivia esaki. Bo tin dolornan cu por bini door di un accidente p.e. verzwik un enkel of tambe dolornan chronico.
Tambe tin otro dolornan manera dolor di cabes, dolor di spier, dolor di stoma etc.
Dolor por varia den un dolor cu ta hinka, bati y tambe kima.
Door cu tin un variacion grandi di dolornan pesei ta existi diferente sorto di remedi pa alivia esaki.

Manera di uzo

Manera di uzo
Remedi pa alivia dolor por wordo uza na diferente manera dependiendo e meta y e tipo di remedi. Un di e manera mas uza mundialemente ta door di un pildo. p.e. paracetamol, aspirin y algun sorto di antibiotica.
Pa e remedi traha mas liher tin opcion tambe pa inyeccion. Na e manera aki e remedi ta traha directo y mesora.
Tambe ta exisiti “patjes” of tip pa calma dolor y tambe verdoof. Tin algun remedi pa alivia dolor cu ta wordo inhala.

Kico bo ta sinti?

Loke bo ta sinti ora di hasi uzo di un remedi semper ta un alivio di e dolor. Mayoria bes e remedi aki ta wordo prescribi pa un dokter pa asina combati e dolor.
Algun remedi fuerte por duna un efecto di intoxicacion. Tin cu ta lagabo sinti straño, pret, doof manera bo a hasi uzo di alcohol. Tin ora bo por asta sintibo ta soñando. Pesei hopi biaha e remedi nan aki por conduci na adiccion.
Tin remedi cu no ta duna e sentimento di intoxicacion cu tambe por ta adictivo. P.e. paracetamol. Ora cu bo ta hasi uzo pa un tempo largo di paracetamol bo curpa ta bai custumbra cu esaki y ta yega un momento cu bo no ta bai por sin dje.

Algun efecto fisico por ta lo siguiente:
• Pulso por baha
• Halamento di rosea ta bai mas poko poko
• Temparatura di curpa por baha
• Pupil di wowo por bira mas chikito
• Por tin efecto ariba tripa
• Actividad nan sexual por baha
• Uzado por haya problema cu orina y bai af
• Menstruacion di hende muher por bira irregular

Bo por bira adicto na remedi pa alivia dolor?

Mas o menos 9 di 10 persona ta uza remedi pa alivia dolor. Mayoria persona ta uza remedi pa alivia dolor di cabes y tambe di lomba.
E gran mayoria di persona ta uza e remedi manera a wordo indica for di dokter y no tin problema pa stop e uzo di un remedi pa alivia dolor. Asina mes tin un grupo di persona cu ta bira adicto na remedi pa alivia dolor. Mayoria bes remedi nan fuerte of antibiotica ta wordo uza ora ta papia di un adiccion na remedi. Tambe tin adiccion na e famoso paracetamol. Remedi por tin un efecto controversial tambe. Ora cu ta hasi uzo di un remedi pa un tempo largo p.e. pa kita dolor di cabes por ta asina cu e mesun remedi aki ta zorg pa bo haya dolor di cabes como cu ta maluza esaki.
Ora cu un persona ta adicto na remedi ta dificil pa stop e adiccion sin un ayudo professional. Adiccion na remedi por wordo compara cu adiccion na heroina.

Riesgonan

Un di e riesgonan mas grandi di remedi ta adiccion. Ora bo curpa y mente no por sin un remedi nos ta papia di adiccion na remedi pa alivia dolor.

Apesar di adiccion na remedi akinan algun otro risiconan tambe:
• Bo por perde trabao of contacto social: door di tuma demasiado remedi of remedi fuerte bo por bira suf y menos social. Esaki por nifica cu bo ta sali menos di cas y drenta mas den isolacion.
• Problema cu organo: Maluzo di remedi p.e. diclofenac, ibuprofen, naproxen por hisa e risico pa haya sangramento di stoma, problema cu curason y por haci efecto na bo riñon.
• Accidente: Door di tuma of uza demasiado remedi fuerte bo ta baha bo concentracion y coordinacion. Akinan bo por core risico pa haya un accidente. Esaki ta pasa hopi cu persona nan di edad mas halto
• Keda sin nota cu bo tin un malesa: door di hasi demasiado uzo di remedi por pone cu bo no ta haya kehonan di un otro malesa. Tambe por ta asina cu bo ta haya e sintomanan ora cu ja ta laat.
• Embaraso sin sa: un hende muher cu ta hasi uzo di antibiotica hopi bes su menstruacion por ta irregular of no ta bini mes. Pero e por sali na estado si. Como cu ta hasi uzo di antibiotica lo no nota dibiaha cu ta na estado.
• Babies: un baby recien naci y cu su mayor ta adicto na remedi pa alivia dolor p.e. antibiotica por nace cu algun defecto manera spanta liher, jora hopi y ta keda hopi lanta.
• Overdosis: un di e peligronan riba termino corto por ta e risico di overdosis. Bo rosea por bira cortico hopi liher. Ora di overdoos e persona lo ta hopi slap y bleek. Tin cu ta hala rosea poko poko y tin cu no ta hala rosea mes. Nan por tin scuma ariba nan lip of nan por saka y tambe haya ataka di epilepsia.

Con por reconoce un uzado (adicto) na remedi pa alivia dolor?

E uzo di remedi pa alivia dolor ta dificil pa reconoce na un persona adicto. Un persona cu ta uza un remedi pa un sierto dolor lo bo ripara cu e bira contento ora cu ja e sintomanan doloroso a desaparece.
Ora ta trata di un adiccion na remedi e remedi ta wordo uza asta na momentonan cu no tin mester.

Tin algun señal pa nota adiccion na remedi:
• Un persona ta scoge pa uza remedi mas liher cu normal
• E karakter ta cambia ora cu no tin remedi
• Por mustra lew y suf
• E persona ta bai scoge pa ta mas na cas y su so, menos contacto social
• E persona ta haya accidente constant manera kita cai abao. Esaki ta pasa hopi cu personanan di edad mas halto unda cu ja nan parti motoriko a wordo afecta.