Marihuana Hoben 13-25 Aña

Marihuana

Hoben di 13-25 Aña

Meta 

E meta di e charla di Marihuana ta pa nos hobennan ta bon informa cu contenido corecto ariba e topico di Marihuana.

Splicacion

Marihuana ta un charla cu ta wordo duna den mas o menos 30-45 minuut na nos hobennan di 13-25 aña. Marihuana ta un di e droganan cu ta hopi conoci y uza akinan na Aruba y tambe rond mundo. Informacion di Marihuana por wordo haya na diferente manera por ehempel online of den diferente noticia of media social. E peligro di esaki ta cu no ta tur ora e informacion cu e hoben ta busca ta completo of corecto. P’esey ta di suma importancia pa nos hobennan ta bon informa ariba e topico di Marihuana cu ta wordo duna pa nos trahadornan preventivo di F.A.D.A. 

E tema di Marihuana ta ser duna na nivel di e grupo cu e charla ta wordo solicita pe, teniendo semper na cuenta cu edad di e hobennan. 

Den e charla di Marihuana nos hobennan lo ricibi informacion di kico ta Marihuana unda nan lo ser a conoci cu e droga aki mas di cerca. Tambe lo haya informacion ariba e manera di uzo, sintomanan, video informativo,  riesgonan di corto y largo plaso, diferencia entre un custumber y un adiccion y tambe lo ricibi informacion corto di e parti recreacional y medicinal di Marihuana.

Pa mas informacion por tuma contacto cu Fundacion Anti Droga Aruba