Marihuana Docente/Educador

Marihuana

Docente/ Educador

Meta 

E meta di e charla di Marihuana ta pa nos docente/educadornan ta bon informa cu contenido corecto  ariba e tema  di Marihuana. 

Splicacion

Marihuana ta un charla cu ta wordo duna den mas o menos 30-45 minuut na nos docente/educadornan.  Marihuana ta un di e droganan cu ta hopi conoci y uza akinan na Aruba y tambe rond mundo. Informacion di Marihuana por wordo haya na diferente manera p.e. online of den diferente noticia of media social. E peligro di esaki ta cu no ta tur ora e informacion cu ta ser busca ta completo of corecto. P’esey ta di suma importancia pa nos educadornan ta bon informa ariba e topico di Marihuana cu ta wordo duna pa nos trahadornan preventivo di F.A.D.A. 

Den e charla di Marihuana lo ricibi informacion di kico ta Marihuana unda nan lo sera conoci cu e droga aki mas di cerca tambe lo haya informacion ariba e manera di uzo, sintomanan, video informativo,  riesgonan di corto y largo plaso, diferencia entre un custumber y un adiccion y tambe lo ricibi informacion en corto di e parti recreacional y medicinal di Marihuana.

Pa mas informacion por tuma contacto cu Fundacion Anti Droga Aruba