LSD

Kico ta LSD (d-lysergzuurdiethylamide)?

LSD ta un di e droganan mas potente cu ta cambia estado di animo. LSD ta wordo produci den forma di cristal y converti den likido pa distribui. E ta sin color, sin holor y sin smaak.

Conoci pa ‘ACID’. Esaki ta bin den forma di tableta chikito (microdots), of tambe gedruppel riba papel absorbente y corta den cuadra chikito cu dibujo riba nan (papertrips). LSD ta pone e usado desconecta su mes di e realidad.

 

Manera di uzo

LSD ta wordo uza via boca.
Un ‘papertrip’ ta wordo poni ariba of abou di lenga, e slijmvliezen ta absorbe esaki.
Un tableta of capsula ta wordo bebi cu awa. Despues di 30 minuut pa 1 ora bo ta cuminsa sinti efecto di e droga. E droga su efecto ta dura entre 6 pa 8ora. LSD ta keda maximo 48 den bo sistema.

 

Kico bo ta sinti?

  • Cambio di estado di consciencia
  •  Halucinacion
  • Euforia
  • Cambio drastico di un sentimento pa otro (contento pa rabia)
  • Experiencia sentimentonan cu normalmente bo no lo ta conciente di nan
  • Experiencia mistico y religioso no real
  • Cambio irealistico den percepcion di tempo y espacio (porta di spiritualidad falso ta habri)

 

Riesgonan

CORTO PLASO

  • “Bad trip”
  • Sodamento
  • Biramento di cabes
  • Batimento di curason ta subi
  • Precion di sanger ta aumenta, aumento di scupi
  • Temperatura di curpa ta aumenta
  • Marea
  • Problema cu tripa
  • Curpa ta bay tembla
  • Pupilnan dilate
  • Soño
  • Boca seco
  • Perdemento di concentracion
  • Aumento di depresion

LARGO PLASO

  • Atake di panico
  • ‘Flashback’ : Aki bo ta experiencia tur loke a pasa e dia anterior. Esaki por dura algun luna of te hasta algun aña.
  • Depresion
  • Psicosis
  • Angustia
  • Enfermedad psicologico ta empeora y ta dura mas hopi.

 

Embaraso y duna pecho

Embaraso
No ta conoci con hopi daño uzo di LSD por tin durante embraso. Si tin indicacion cu uzo di LSD por hisa e riesgo di haya un abortus. Pa evita cu esaki por haci ta conseha pa no uza LSD ni otro droga durante embraso.


Duna pecho:
LSD por wordo pasa pa e baby na momento cu ta duna pecho si uza esaki durante e periodo aki. Pa evita esaki pasa, no mester uzo LSD ni otro droga ora cu ta duna pecho.
Incidente:

Mester tene na cuenta cu e hecho cu un hende muher bou di influencia di LSD durante embaraso ta den un otro estado mental, esaki por trece facilmente incidentenan y peliger pa e baby. Esaki ta e caso voraal ora cu un mama ta uza durante embaraso y ta experencia un ‘bad trip’.

 

Dependencia

E tolerancia na LSD ta desaroya rapido. Si un cantidad specifico di dosis wordo uza durante 3 dia consecutivo, e no ta produci ningun reaccion riba e di 3 dia. Uzado cu ta abusa di e droga regularmente mester tuma dosis progresivamente mas halto pa logra sinti e mesun haltura (high) cu nan a sinti anteriormente. E practica aki ta particularmente peligroso, ya cu or abo aumenta e cantidad di dosis, tambe bo ta aumenta e posibilidad pa experencia un ‘bad trip’ y efecto nan secundario psicologico negativo.
E riesgo di un overdosis no ta comun cu LSD y e e riesgo mortal di overdosis cu LSD ta inexistente. Sin embargo LSD ta keda un substancia peligroso pa motibo di su efectonan secundario. Ora un usado experencia ‘bad trips’, esaki por conduci na accion nan peligroso,lesion nan cu consecuencianan social, legal y professional. LSD tambe ta peligroso ora e wordo mescla cu otro droga, specialmente antidepresivo. E effectonan mas grave di LSD ta sosode na momento cu uza un dosis hopi grandi y frecuente, pero esaki nan por ta potencialmente mortal, incluyendo: ‘Hipertermia’,pensamento di suicidio y psicosis.