Introduccion na Adiccion klas 3 te cu 6 Scol Basico

Introduccion Na Adiccion

Klas 3 te cu 6 Scol Basico

Meta 

E meta di e charla Introduccion na Adiccion ta pa nos muchanan ta informa y siña kico ta e nificacion di adiccion. E palabra adiccion ta hopi amplio y por wordo uza den diferente situacion ya cu un persona por tin un adiccion na diferente otro cosnan cu no ta Droga y Alcohol so.

Splicacion

Introduccion na Adiccion ta un charla cu ta wordo duna den mas o menos 30-45 minuut na nos muchanan di klas 3 te cu 6 di scol basico. F.A.D.A. ta haya e charla aki di suma importancia pa un mucha ricibi pa e por compronde e nificacion di e palabra adiccion prome cu e ricibi otro charlanan  cu tin di haber cu adiccion manera Droga, Alcohol, Videogaming etc. Esaki ta e motibo cu Fundacion Anti Droga Aruba ta brinda e charla di Introduccion na Adiccion pa asina nos muchanan por ta bon informa ariba e tema di adiccion.

Den e charla di Introduccion na Adiccion nos muchanan lo ricibi informacion di kico ta adiccion, risiconan cu adiccion por trece cune, motibonan pakico un persona por bira adicto, con por reconoce un adiccion y tambe con ta preveni pa yega na un adiccion. Na final di e informacion e muchanan lo wak un video informativo tambe di e tema aki. 

Pa mas informacion por tuma contacto cu Fundacion Anti Droga Aruba