Informacion di Gablemento
Kico ta Gamblemento
Gamblemento ta un wega unda e resultado ta abase di coincidencia. Por bet placa ariba e resultado. Esey ta pone e gamblemento bira extra excitable. Abo como hungado no tin influencia riba e resultado di e wega. Después di e wega bo ta simplemente mas rico of pober financieramente.
Tipo di weganan di Gablemento
Bo por gamble na diferente luga, manera den casino of clubnan nocturno. Awendia tin hopi hende ta gamble online tambe. Tin diferente tipo di weganan:
• Weganan di raspa
• Wega di carta
• Mashin di gamble
• Weganan di deporte
• Weganan di casino
Cua wega nan tin riesgo?
Tin weganan di gamble cu ta adictivo. Riesgo por ta:
Weganan cortico Gamble ariba mashin of roulette su duracion ta cortico.Bo ta bet y den 4 seconde bo sa si bo a gana. Despues por sigi hunga dibiaha y haya chens di nobo. Asina e wega ta keda duna excitacion.
Weganan cu ta sugeri control
Tin weganan cu ta laga hende sinti cu nan por influencia e wega. Nan ta duna diferente oportunidad pa bet placa. E hungado lo kere cu e por bet sabi y ta keda sigi hunga.
Weganan cu por hunga largo y anonimo
Den casino y online por hunga oranan largo sin cu hende ta pone atencion ariba bo. Asina e gamblemento tambe ta bira un riesgo.
Weganan online
Weganan online ta extra adictivo. Bo por hunga mas
lihe cu den bida real. No mester shuffle, por hunga ariba diferente pantaya pareu. Weganan online por wordo hunga 24 ora pa dia.
Kico bo ta sinti?
Na momento cu bo gana algo, naturalmente cu esaki ta agradabel y ta duna gana pa bolbe “purba” un biaha mas. Mas bo “purba” mas bo lo sinti “kick”(excitacion) pa sigui hunga. Esaki ta pone cu e celebro ta produci dopamina y endorfine cu ta laga hende sinti nan mes bon. Asina bon cu esaki por bira un adiccion. E kick lo por bira manera un droga cu bo curpa ta bay pidi pe. Pa gamble mester di placa. Pesey un persona cu ta gusta gamble no lo stop depues cu nan a gana un biaha. E placa cu nan ta gana ta duna nan e posibilidad pa sigi gamble y keda den e kick.
Riesgo
Problema financiero:
• Esaki ta e riego mas grandi. Bo por perde hopi placa den tempo cortico.
Problemanan cu estudio of trabou
• Gamblemento pisa por pone hende neglisha su trabou of estudio. Bo pensamento lo ta na e gamblemento so.
Problemanan social:
• Gamblemento pisa por pone hende neglisha famia y amistad tambe. Consecuencia di esaki ta pleito y incomprension.
Dependencia
E gana di gamble por bira mas pio. Un persona cu ta gusta gamble lo hinca mas placa y tempo den esaki. Na momento cu ta stop di gamble por haya *ontwenningsverschijnselen’ manera dolor di cabes, cansancio, trilmento y sodamento. Tambe por haya problemanan psicologico manera sinti miedo, down of culpable.
Ki ora bo ta adicto
Segun descripcion di algun condicionnan bo por tin un problema cu gamblemento ora bo ta haci cuatro of mas di e nuebe criterianan aki bou.
1. Bo mester gamble mas y mas placa pa haya e “kick’
2. Bo ta bira intrankil of irita ora bo ta gamble menos of stop di gamble.
3. Bo ta purba gamble menos of stop completo pero esaki no ta logra.
4. Bo ta pensa casi ful dia ariba gamblemento so of un manera pa haya placa pa bay gamble.
5. Bo ta gamble ora bo ta sinti bo fastioso. Por ehempel ora bo ta sinti miedo, depresion of culpable.
6. Bo ta gamble pa gana placa bek cu bo a perde.
7. Bo ta gaña tocante e cantidad di ora cu bo ta gamble of e cantidad di placa cu bo ta gasta.
8. Bo ta pone bo relacion, trabou of educacion na riesgo pa por gamble.
9. Bo ta depende ariba otro hende pa yuda bo yega na placa of pa paga bo debenan di gamblemento.
Efecto Fisiko y Psychologico
Fisiko
No tin hopi efecto fisiko ora ta papia directamente di adiccion na gamblemento. Si un persona desaroya un problema di anxiedad of depression door di gamblemento e por strobe cu su drumimento. Esaki por resulta cu e persona por tin un cuero bleek, circulo preto bao di wowo, peso ta subi, perde peso, acne, Sistema inmunologico abao y perdida di cabei.
Psychologico
Efectonan psychologico por ta hopi serio. E risiconan aki so mester por ponebo busca ayudo professional inmediato ora cu bo tin un adiccion na gamblemento. Sintomanan por yega asina lew di trece problemanan emocional manera stress, anxiedad, depression, rabia, pensamento di suicidio. Tur esakinan por keda bira pio ora cu e persona ripara cu e ta perdiendo tur cos pavia di gamblemento. E persona por sinti su mes sin speransa y su so