Humamento – klas 5 y 6 scol basico

E presentacion di e topico aki ta pa muchanan di klas 5 y 6 di scol basico. Ta importante pa nos muchanan por haya informacion tocante humamento mirando cu esaki ta legal y lo por yega na bira adicto na dje. Den e presentacion di humamento lo pone enfasis riba 3 topico cu ta sigaria, hookah y vaping (e-sigaret). Lo duna un splicacion di cada un, kico esaki ta, den ki forma e ta bin dilanti, ki ta e riesgonan cu esaki por trece cune y ki por ta consecuencianan pa salud di un mucha ora nos ta papia di e topico di humamento. Lo duna e presentacion aki den forma di un powerpoint cu lo tin diferente potret y video na nivel di e grupo y e muchanan por haci pregunta. E duracion di charla aki ta di 45 minuut.

Pa mas informacion por tuma contacto cu Fundacion Anti Droga Aruba.