Fiesta di Ratoncito klas 1 Scol Basico

Fiesta di Ratoncito

Klas 1 Scol Basico

Meta 

E meta di Fiesta di Ratoncito ta pa nos muchanan ta informa di peligronan cu ta existi rond di nan tocando e temanan Sigaria, Cerbes y Mangel.

Splicacion

Fiesta di Ratoncito ta un storia cu ta wordo conta den mas o menos 20 minuut na nos muchanan di klas 1 desde 6 aña. Droga y alcohol ta algo cu no ta scondi mas pa nos muchanan. Esaki ta e motibo cu Fundacion Anti Droga Aruba ta brinda e servicio di Fiesta di Ratoncito pa asina nos chikitinnan tambe ta bon informa.

Fiesta di Ratoncito ta un continuacion di loke nos muchanan lo a ricibi den kleuterklas cu ta e storia di Ratoncito. Den e storia di Fiesta di Ratoncito nos muchanan lo ricibi informacion di Sigaria, Cerbes y tambe Mangel. E tres topiconan aki ta bin dilanti den forma di un storia cu un di nos trahadonan preventivo ta conta. Despues di e storia di Fiesta di Ratoncito tin diferente actividad cu lo wordo haci cu e muchanan pa asina controla cu nan a compronde loke nan a caba di ricibi. Na final di Fiesta di Ratoncito cada mucha ta ricibi un blachi di pintura pa asina keda cu un bunita recuerdo di Fiesta di Ratoncito. E storia di Fiesta di Ratoncito hunto cu su actividadnan por tin un duracion di 30-45 minuut.

Pa mas informacion por tuma contacto cu Fundacion Anti Droga Aruba