Crystal Meth

Kico ta Crystal Meth?

Crystal Meth un nomber cortico pa ‘Methamphetamine’, ta un stimulante sumamente adictivo cu ta afecta e Sistema di nervio central. Crystal Meth ta un droga cu ta parecido na pida pida glas , of piedra briyante color blanco of poco blauw. E ta kimicamente similar na ‘Apmphetamine’, un droga cu ta wordo uza pa trata ‘ADHD’ y problema di drumimento.

Otro nomber nan comun pa ‘ Methamphetamine’ ta:

  • Blue
  • Crystal
  • Ice
  • Meth
  • Speed

 

Manera di Uzo

  • Huma
  • Via boca (guli)
  • Inhala via nanishi
  • Injecta e puiro cu a wordo disolvi den awa of alcohol

Kico bo ta sinti?

  • Euforia
  • Enegria ta aumenta
  • Hopi alerta
  • Iritabilidad
  • Comportacion agresivo

Riesgo nan

CORTO PLASO:

  • Perdida di apetito
  • Batimento di curason ta aumenta, presion den sanger,temperatura di curpa halto
  • Pupil ta bira grandi
  • Nausea
  • Comportacion raro y violento
  • Halucinacion, iritacion
  • Panico y ‘psychose’
  • Convulsion y morto a causa di uso di un dosis halto di ‘Methamphetamine’

 

LARGO PLASO:

  • Daño permanente di adernan di curason y celebro y presion di sanger halto cu por causa un ataca di curason, stroke y morto
  • Daño na higra, riñon y pulmon
  • Distruccion di nanishi si ‘Methamphetamine’ wordo inhala
  • Problema respiratorio si ‘Methamphetamine’ wordo huma
  • Enfermedad nan infectuoso si ‘ Methamphetamine’ wordo injecta
  • Caries severo
  • Desorientacion, apatia,cansancio, confusion
  • Desnutricion y perdida di peso
  • Dependencia psicologico
  • Depresion
  • ‘Psychose’
  • Daño celebral similar na
  • Alzheimer y epilepsia
  • Paranoia
  • Curpa ta grawata y ta haya herida
  • Adiccion

Embaraso

Te cu e fecha di awe e informacion riba e efecto cu ‘Methamphetamine’ tin riba un fetus ta limita. Mientras tanto cu no tin un conclucioon definitivo di kico ta e efecto nan precies cu Crystal Meth tin riba desaroyo di un fetus, tin evidencia cu ta sugeri cu ‘Meth’ ta perhudica e desaroyo di un fetus.
E investigacion cu ta disponibel ta indica cu e uso di ‘Methamphetamine’ durante embaraso ta subi e riesgo di un embaraso prematuro, placenta por los di e matris, abnormalidad nan na e curason y lesion celebral.

Dependencia

Crystal Meth ‘Methamphetamine’ ta extremadamente adictivo, e ta kima tur reserva di e curpa y ta crea
un dependencia cu por wordo alivia solamente door di uza mas di e droga aki.
E efecto ta asina fuerte cu uzadonan ta reporta di a bira adicto ya despues di e prome uzo.