B-Smart

B-smart ta un programa crea pa Novadic-Kentron pa duna muchanan di scol basico (klas 5) charla.
Fundacion Anti Droga Aruba hunto cu Mental Health Caribbean a adapta e programa completo special pa Antillas Hulandes y Aruba pa asina e muchanan por identifica nan mes cu e situacionnan.

E programa aki ta consisti di 4 modulo
• Alcohol
• Tabaco
• Droga
• Video Gaming y Internet

Esaki ta wordo duna na e grupo 1 biaha pa siman, 4 siman sigui. E informacion ta wordo treci den un forma interactivo. E temanan cu ta wordo toca ta presion di grupo, e uzo di substancia y adiccion.
E meta principal di e programa B-Smart ta pa yuda muchanan tuma decisionan responsabel den situacionnan cu nan lo encontra diario. E programa B-Smart a wordo crea pa haci muchanan resistente ora nan enfrenta diferente situacion unda cu nan lo mester tuma e decision corecto. Manera menciona ariba, B-Smart ta traha riba e mehoracion y cambio positivo den comportacion di un mucha.

E trahado preventivo mester aproximadamente 45 minuut durante 1 les pa completa 1 modulo.
Cada les ta cuminsa cu un revision di e modulo anterior y cu e tarea cu e muchanan a haya pa hiba cas.
Esaki ta pa e trahado preventivo verifica y tin un bista cu e muchanan a involucra nan mayor(nan) den e programa di B-Smart.

Muchanan ta enfrenta presion di grupo na scol, den amistad y incluso den famia.
Por ehempel, mayoria mucha cu ta cuminsa experimenta cu alcohol y droga ta pa motibo di presion di grupo. Cu e programa di B-smart nos ta trata di haci e muchanan mas consciente y resistente na precion di grupo.

Duracion di programa:
1 biaha pa siman, 4 siman sigui. Cada les ta 45 minut.