Alcohol – Docente/Educador

E presentacion di e topico di alcohol ta special pa docente/educador. Ta importante pa duna docente/educador informacion riba e topico aki mirando cu alcohol ta un droga legal y mayoria biaha no ta para keto riba e riesgo of consecuencianan cu uzo di esaki por tin no solamente pa e adulto pero pa e mucha/hoben. Como docente/educador e ta importante pa nan haya e informacion corecto di esaki mirando cu nan ta hunga un rol importante den guia di nos muchanan y hobennan. Den e presentacion aki lo duna informacion riba ki efecto uzo di alcohol por tin riba e salud di un adulto. Lo pone hopi enfasis tambe riba e riesgo cu uzo di alcohol tin riba e celebro di un mucha of hoben cu ta den su desaroyo. E parti aki ta importante mirando cu no ta hopi persona ta na altura di e riesgo of consecuencia cu esaki tin riba e celebro of salud di persona di tur edad. Durante e charla aki lo haya un splicacion amplio uzando powerpoint cu lo tin potret y video riba e tema na nivel di e grupo y docente/educador por haci pregunta tambe. E duracion di e charla aki ta di 45 minuut pa 1 ora.

Pa mas informacion por tuma contacto cu Fundacion Anti Droga Aruba.