Vaping

E-Cigarette/ Vaping
Kico e ta?
E-Cigarette ta un aparato electronico cu ta stimula e experencia di huma sigaria. E ta funciona door di keinta un likido cu ta genera aerosol of e termino mas uza ‘vapor’ cu ta wordo inhala pa e usador . E uzo di E-Cigarette (sigaria electronico) generalemente ta wordo referi como ‘vaping’. Vaping ta e inhalacion y exhalacion di ‘Aerosol’ cu mayoria biaha ta wordo referi como vapor, cual ta wordo produci pa un e-cigarette of un aparato similar. E termino ‘vaping’ ta wordo uza paso e e-cigarette no ta produci huma di tabacco, si no un aerosol cu frecuentemente ta wordo confundi pa vapor di awa. E E-liquid cu ta wordo uza den productonan pa vaporisa mayoria biaha ta contene ‘propylene glycol’ of likido basa riba ‘glycerin’ di berdura cu ta contene nicotina, diferente sabor, kimico y metalnan pero no tabacco. Tin hende cu ta usa e aparatonan aki pa ‘vape’ THC (marihuana) of nicotina.

Manera di uzo
Generalmente un aparto di vaping ta consisti di un Bokiya, un bateria, un ‘catridge’ cu ta contene e likido of E-Juice y un componente di califaccion (heating) pa e aparato cu ta wordo sendi cu bateria. Esaki ta traha riba bacteria y e ta verdamp e likido y bo no ta inhala huma pero e damp di awa.
Kico bo ta sinti
⦁ Iritacion na bo boca y canal di hala rosea
⦁ Tos
⦁ Dolor na pecha
⦁ Presion di sanger por subi
⦁ Palpitacion di curason ta bira mas
⦁ Por sinti marea y cu gana di saka

Riesgonan
Actualmente ainda ta haciendo hopi investigacion ki tur ta e riesgonan na largo plaso ora di uza E-cigarette of un otro product di vape. Asina mes tin varios riego cu ta bin dilanti.
⦁ Curason
E likido cu ta wordo uza y e nicotina por tin efecto riba bo curason y bo sistema di circulacion. Si e likido ta contente nicotina tin e chens cu ta subi e palpitacion di curason. Presion di sanger tambe por subi cu consecuencia cu por tin problema cu curason den termino largo.
⦁ Pulmon
Uzo di vaping por tin efecto negativo pa loke ta trata pulmon di un persona; esaki por inflama. Un persona cu nunca a huma y bay haci uzo di vaping pa prome biaha por haci daño na pulmon compara cu un hende cu no haci esaki. Por sinti effect na corto plaso pero por pasa cu despues di hopi tempo ta cuminsa wak e daño cu esaki a causa.

⦁ Efecto addicional
Vaping por tin mas efecto riba un grupo specifico por ehempel hoben nan. Vaping por afecta e desaroyo di e celebro di un persona bou di edad di 25 aña, vooral si ta usa productonan cu tin nicotina den dje.

Adiccion
E-cigarette/vaping a wordo traha special pa personanan cu kier stop di huma sigaria. No por bisa ainda cu siguransa cu esaki ta efectivo. Actualmente tin hopi persona di diferente edad ta uza esaki como forma sociaal. Personanan cu antes tawata uza sigaria lo sinti e falta di esaki si bay haci uzo di vaping sin nicotina cu e chens di bay bek na sigaria. Personanan cu cuminsa haci uzo di esaki cu nicotina tin chens di bira adicto na e kimico aki.

Tin un diferencia entre sigaria y vaping?
Uzo di sigaria tin hopi informacion pa mustra tur e consecuencia negativo cu esaki ta trese cune cu por ta entre otro cancer na pulmon, problema cu curason y chens pa haya un ataka. Vaping por mustra menos peligroso vooral pa persona cu kier stop cu sigaria pero esaki no ra kita cu por tin riesgo pa bo salud. Actualmente ainda tin hopi testnan ta wordo haci pa por haya sa tur e consecuencianan negativo cu vaping por trese cune.

First Generation	Sigaria Electronico (E-Cigarette) Sig-A-Like Minis	⦁Fisicamente similar na sigaria. ⦁Ta obtenibel den forma desechabel y recargabel ⦁Ta sende luz ora usado inahala ⦁Bateria ta dura menos cu un aparato pa vape di e generacion nobo ⦁Generalmente menos costoso
Segundo Generacion	Vape Pen Mid-sized-Hookah	⦁Afkorting pa ‘Vaporizer pen’ ⦁Obtenibel den diferente size ⦁Aparencia diferente na un sigaria -Fini manera un pen ⦁Obtenibel den forma desechabel y recargabel ⦁Por yena esaki bek cu E-juice/E-liquid
Tercer Generacion	MODs (Mechanical Modified Nicotine Delivery systems Vape MODs /personal vaporizer	⦁Mas grandi den forma y size ⦁Ta inclui opcion pa modifica ⦁Bateria cu capacidad mas grandi y bateria reempazable ⦁Tipicamente recargabel
	Hookah Electronico	⦁Version electronico di ‘Hookah hean’ y Hookah Bowl
	JUUL	⦁ Parecido na un USB ⦁ Obtenibel den diferente smaak y to wordo bendi como ‘PODS’ ⦁ Diseño sutil y elegante cu por sconde facilmente di mayornan of maestronan ⦁ Por wordo recarga via cualkier computer of aparto cu tin un USB port.