Remedi Prescribi

Kico ta Remedi Prescribi?

Remedi prescribi ta generalmente mas postente cu e remedi nan cu por wordo cumpra na botica y por tin efectonan secundario mas severo si e wordo uza den un manera inapropia. Por lo tanto, e remedi nan aki ta wordo bendi solamente bou di direccion di un dokter. E instruccion nan aki ta wordo skirbi riba un receta pa medio di bo dokter, despues nan lo wordo verifica, empaca y bendi pa medio di un farmaceutico. Bo farmaceutico tambe lo conseha bo e manera cu e remedi mester wordo uza y e lo avisa bo di posibel efecto secundario.

E abuso di medicamento receta ta e uzo di un medicamento receta di un manera cu no tawata intenta pa medio di un dokter. E abuso di remedi prescribi ta inclui tur cos, for di tuma un remedi pa dolor di un amistad pa asina alivia bo dolor di lomba te cu inhala of inyecta pilder machika pa asina droga bo mes.

E abuso di remedi prescribi por bira continuo y compulsivo apesar di e consecuencia nan negative cu esaki tin. Un problema cada biaha mayor, e abuso di remedi prescribi por afecta tur grupo di edad, incluiendo adolescente. E remedi receta cu ta wordo mas uza como droga ta opuim (remedi pa dolor), remedi contra ansiedad, remedi nan sedante y stimulante.

E indentificacion tempran di e abuso di remedi prescribi y e intervencion tempran por evita cu e problema aki converti den un adiccion.

Kico bo ta sinti?

E señal y sintoma di e uzo di remedi prescribi ta depende na e remedi specifico, como cu tur tin diferente efecto ariba e celebro.

OPUIM	REMEDI CONTRA ANSIEDAD Y SEDANTE	STIMULANTE
Constipacion	Mareamento	Hopi alerta
Naucia	confusion	Haltura
Haltura	Canamento instabil	Inregularidad den ritmo cardiaco
Respiracion poco poco	Papia bruha	Precion halto
Mareamento	Concentracion malo	Temperature corporal halto
Confusion	Problema cu memoria	Menos apetit
Coordinacion malo	Respiracion poco poco	Insomnia
		Ansiedad
		Agitacion
		Paranoia

Riesgonan

Algun persona ta teme cu nan por bira adicto na remedi receta pa motibo medico por ehempel remedi pa dolor receta despues di un operacion. Bo por reduci e riesgo sigiendo e instruccion di e dokter riba e manera cu mester tuma e medicamento.

E abuso di remedi prescribi por pasa cu persona di cualkier edad pero e ta mas comun pa cuminsa den adolescente of hoben adulto.

E abuso den remedi prescribi den adulto ta un problema cresiendo, specialmente ora di combina remedi y alcohol. Ora un persona mayor tin diferente problema di salud y ta tuma diferente remedi prescribi, e por bira un riesgo unda cu e persona nan aki por abusa di e uzo di remedi prescribi y por bira adicto.

E abuso di remedi prescribi por causa varios problema. Remedi prescribi por ta hopi peligroso y incluso por hiba te na morto ora cu esaki wordo tuma den un cantidad halto, ora cu e wordo combina cu otro medicamento of ora cu e wordo tuma hunto cu alcohol of droga nan illegal.

Algun di e riesgo cu bo por haya ora di abusa di remedi presribi:

Opuim:

Por causa precion abou y respiracion lento y e posibilidad cu e bo por stop di hala rosea. Tin un riesgo grandi pa overdosis cu por hiba te na morto.

Remedi contra ansiedad y sedante:

Por causa problema di memoria, precion abou y respiracion lento. Overdosis por causa cu un persona por drenta un coma of por fayese. Un suspencion diripiente y abrupto por causa sintoma di ‘ontwenningsverschijnsel’ cu ta inclui hiperactividad y convulcion di e sistema nervioso.

Stimulante:

Por causa temperatura corporal halto, problema di curason, precion halto, convulcion of temblamento, halucinacion, agresividad y paranoia.

Embaraso y Duna Pecho.

Tur e nutricion den e lechi materno ta bin di tur e nutricion cu e mama ta consumi. Lo mismo por wordo bisa riba tur otro substancia cu e mama ta inheri. Mihor bisa, si e mama ta consumi cualkier tipo di remedi of droga, e lo wordo pasa pa e baby durante e embaraso of ora di duna lechi pecho. Esaki tin consecuensia grave pa e baby. Incluso e baby por bira adicto na e remedi cu a ser consumi pa e mama. Otro consecuensia ta entre otro dolor di bariga, diarea, precion halto, problema pa hala rosea y por causa morto.

Dependencia

E abuso di remedi prescribi ta activa e centro di recompensa den e celebro. E ta posibel pa desaroya e depedencia fisico y adiccion.

E depedencia fisico tambe yama tolerancia ta e curpa respondiendo na uzo di e droga a largo plaso. Persona cu ta depende fisicamente na un droga, mester un cantidad mas halto di e droga pa asina por sinti e efecto y e persona por experencia ‘ontwenningsverschijnsel’ ora cu purba stop cu e uzo.

Persona nan cu ta adicto na un droga por tin dependencia psicologico, pero nan por uza un droga den forma compulsivo y continua cu e uzo apesar cu esaki ta trece problema nan significante den nan bida.