Droga General- Docente/Educadornan

Den un presentacion di 45 minuut ta brinda informacion na nos docente/educadornan riba tereno di droga general. Esaki ta nifica cu nos ta duna informacion di diferente tipo di droga. Entre otro Alcohol, Marihuana, Xtc, Cocaina, GHB, Heroina ,Crack y LSD. Esaki ta un charla cu ta siña e docente/educador un tiki di cada un di e droganan menciona. Ta duna informacion di categoria di cada un droga, e efectonan di corto y largo plaso, sintomanan di uzo, peliger di uza mas cu un tipo di droga hunto y mucho mas. E presentacion ta sosode door di haci uzo di powerpoint cu materiaalnan visual y den un forma interactivo. Durante presentacion participantenan ta haya oportunidad pa haci pregunta y comparti nan experiencia y opinion.

Pa mas informacion por tuma contacto cu Fundacion Anti Droga Aruba