XTC y Cocaina- klas 5 y 6 scol Basico

Un presentacion entre 30 cu 45 minuut tocante e droganan XTC y Cocaina pa muchanan entre 10 pa 12 aña. Esaki ta wordo presenta door di haci uzo di powerpoint cu videonan y informacion basa riba e droganan menciona. E ta importante pa e muchanan tin informacion corecto di e tema XTC y Cocaina mirando cu e droganan aki ta bin dilanti hopi riba nos pais y rond mundo. Ta importante pa remarca cu XTC ta un droga cu ta bin den forma similar na mangel. Esaki ta haci cu un mucha curioso facilmente por tuma e droga aki for di un persona sin sa cu ta droga y por causa daño permanente. E muchanan ta siña kico precisamente e droganan aki ta, bou di ki categoria e droganan aki ta cay, kico ta efectonan fisico y psicologico di Cocaina y XTC y mas. Durante presentacion muchanan ta haya oportunidad pa haci pregunta y comparti nan experencia.

Pa mas informacion por tuma contacto cu Fundacion Anti Droga Aruba