Alcohol – Hoben 13-25 aña

E presentacion di e topico di alcohol ta pa grupo di hoben di edad 13 te cu 25 aña. Ta importante pa duna nos hobennan informacion corecto riba e topico aki mirando cu alcohol ta un droga legal y hopi facil pa yega na dje. Hopi biaha den seno familiar ta unda un hoben ta purba alcohol pa prome biaha. Pa nos hobennan bo tin tambe e presion di grupo cu ta hunga un rol grandi ora nos ta papia di e topico di alcohol. Den e presentacion aki ta pone hopi enfasis riba e riesgo cu uzo di alcohol tin riba e celebro di un hoben cu ta den su desaroyo. Durante e charla aki lo haya un splicacion amplio kico ta alcohol, e riesgonan y consecuencia cu uzo di esaki tin. Lo haci esaki uzando powerpoint cu lo tin potret y video riba e tema na nivel di e grupo y e hobennan por haci pregunta tambe. E duracion di e charla aki ta di 45 minuut.

Pa mas informacion por tuma contacto cu Fundacion Anti Droga Aruba.