Paga Tino

E programa di prevencion “Paga Tino” ta un concepto unico, un forma interactivo cu ta pone enfasis ariba e formacion di caracter di mucha/hoben. Esaki ta nifica cu e programa ta bay un poco mas leu cu djis duna informacion. E meta principal di e programa aki ta pa yuda muchanan/hobennan pa siña scoge responsabelmente den situacionnan cu diariamente nan ta haya nan mes aden: musica, television, internet, alcohol, droga, relacion sexual pa menciona algun. Un otro meta ta pa haci e mucha/hoben resistente y pa laganan compronde cu nan tin di haci un escogencia consciente pa por resisti tentacion cu ta bin riba nan. Paga tino ta basa riba 4 punto di e ser di un persona; fisico, emocional, spiritual y social. Banda di teoria, relaciona cu background di problema social, loke ta central den e programa aki ta pa siña e mucha/hoben habilidadnan personal. E programa aki ta wordo duna pa 2 trainer cu ta certifica pa esaki.

PAGA TINO TA CONSISTI DI 6 MODULO:
Modulo 1: E forma di experiencia mundo; E hoben ta compronde nan propio mundo, cu nan ta unico. E hobennan por aplica nan desaroyo den pubertad y cua ta e consecuencianan ora di haci escogencia.

Modulo 2: Relacion; E hoben por conta pakico un bon relacion ta importante y con por califica un bon relacion. E hoben ta compronde cu relacion tin influencia riba formacion di caracter. E hoben por indica ki sorto di amigo/a e tin mester pa por desaroya un bon caracter.

Modulo 3: Medio di comunicacion; E hoben ta bira consciente di nan propio forma di uza medio di comunicacion y e mensahenan cu esaki ta transmiti. E hoben por anda di un forma responsabel cu medio di comunicacion.

Modulo 4: Comportacion di riesgo; E hoben ta ser a conoci cu e peligernan cu ta pasa cerca hopi hoben por ehempel humamento, droga, alcohol, agresion, tenta. E hobennan mes por dicidi ki posicion nan ta tuma tratando di  diferente tema.

Modulo 5: Sexualidad; E hobennan sa cua ta e diferencia entre masculino y femenino y e consecuencianan cu tin pa e sensacion sexual. E hoben ta siña cu sexualidad ta mishi cu tur 4 ser di un persona. E hoben por indica na su mes kico sexualidad ta nifica pe.

Modulo 6: Estilo di bida; E hoben sa y ta experiencia cu recuperacion ta possible den caso cu nan tabata exponi na comportacion di riesgo. Evita cualkier forma di esaki.

DURACION DI E PROGRAMA PAGA TINO:
E programa den su totalidad ta exigi 9 ora cu ta wordo parti den e 6 modulonan. Ta dedica 90 minuut na cada modulo.

REKISITO DI E PROGRAMA PAGA TINO:
Edad di hoben ta entre 11 te cu 15 aña.
Cantidad di hoben cu por participa ta minimo 6 y maximo 30
Docente mester ta presente durante full e paga tino den klas.